Komisioni për Shëndetësi dhe Mirëqenie Sociale shqyrton draft-planin e punës së Komisionit, për sesionin vjeshtor 2024. (Kuvendi i Kosovës, salla N302, ora 09:00) Këshilli Gjyqësor I Kosovës (KGJK), mban mbledhjen e radhës. (Ora 09:00) Ministria e Ekonomisë në kuadër të pakos emergjente për energji, lanson thirrjen publike “Mbështetje konsumatorëve familjarë për investimin në pajisje efiçiente për ngrohje”. Merr pjesë kryeministri Albin Kurti e ministrja e Ekonomisë, Artane Rizvanolli.(Para objektit të Ministrisë së Ekonomisë, ora 09:00) Policia e Kosovës në një ceremoni të organizuar bën shkatërrimin e armëve të konfiskuara. (Fshati Prelez, magjistralja Prishtinë – Ferizaj (Metali05 SH.P.K), ora 09:00) Mbahet Konferenca III-të Ndërkombëtare për Qëndrueshmërinë Mjedisore dhe Ndryshimet Klimatike. (Hoteli Emerald, Prishtinë, ora 09:00) Kuvendi i Kosovës mban seancë plenare. Në rend dite votimi i Projektligjit për shëndetin riprodhues dhe fertilizim. (Kuvendi i Kosovës, ora 10:00) Instituti i Kosovës për Drejtësi (IKD), me përkrahjen e Projektit të USAID-it për Drejtësi, publikon raportin: “Kostoja e pagave jubilare të papaguara (Raport analitik lidhur me ndikimin financiar dhe gjyqësor të rasteve gjyqësore që përfshijnë pagat jubilare)”. (Hotel Sirius, ora 10:00) Lansohet projekti “Siguria e fëmijëve në trafik”. Marrin pjesë ministri i Infrastrukturës, Liburn Aliu, ministrja e Arsimit, Arbërie Nagavci dhe Zëvendësambasadori i Gjermanisë, Matthias Conrad. (Shkolla fillore “Naim Frashëri”, Prishtinë, ora 12.00) Programi EREA nga Caritas-i Zviceran, në partneritet me shoqatat nacionale bujqësore Organika, Mjedra e Kosovë dhe PePeKo, organizojnë event të hapur që synon të rrisë ndërgjegjësimin për konsumimin e produkteve vendore.(Sheshi Mbretëresha Teutë, përball Hotel Dukagjini në Pejë, ora 13:00) Mbahet akademi përkujtimore me rastin e 10-vjetorit të ndarjes nga jetë të Komandant ‘Qorri’ (Ilaz Ceka). (Shtëpia e Kulturës “Xh. Kurtaj” në Kaçanik, ora 16:00)