Kryetari i Kryeqytetit, Përparim Rama, bashkë me drejtorin e Drejtorisë për Investime Kapitale dhe Menaxhimin e Kontratave, Krenar Xhaferi, do të marrin pjesë në fillimin e punimeve për trajtimin me pllaka të cilësisë së lartë të hyrjeve, shkallëve dhe terrasave te “Santea” në lagjen “Dardania”. (Ora 09:00)

Ministria e Industrisë, Ndërmarrësisë dhe Tregtisë organizon Forumin Ekonomik Kosovë-Greqi. (Hotel Emerald, Prishtinë, ora 10:00)

Ministria e Arsimit, Shkencës, Teknologjisë dhe Inovacionit bënë lansimin e Skemës së Kuponëve (ang. Voucher Scheme) “Mbështetje për pjesëmarrjen e fëmijëve të cenueshëm në shërbimet e kujdesit dhe fëmijërisë së hershme”, që financohet nga Fondi i Mësimit të Hershëm i Bankës Botërore.( Hotel Sirius, ora 10:00)

Zëvendëskryeministrja dhe Ministrja e Punëve të Jashtme dhe Diasporës, Donika Gërvalla, pret në takim Ministren e Punëve të Jashtme të Finlandës, Elina Valtonen. Mediat mund të marrin pamje në fillim të takimit dypalësh kurse pas takimit do të mbahet konferenca për media. (Objekti i MPJD-së, ora 11:00)

Kryeministri Albin Kurti, pret në takim ministren e Punëve të Jashtme të Finlandës, Elina Valtonen. Mediat mund të marrin pamje në oborrin e Qeverisë. (Ndërtesa e Qeverisë, ora 15:00)

Mbahet ceremonia e përfundimit të Trajnimit Themelor të Sistemit të Komandës së Incidentit (SKI), të organizuar për herë të parë në Kosovë nga Zyra e Programeve Ndërkombëtare të Shërbimit Pyjor të Departamentit të Bujqësisë së SHBA-ve (anglisht: United States Forest Service - USFS). (Akademia e Kosovës për Siguri Publike në Vushtrri, ora 15:00)

Kombëtarja e Kosovës mban konferencë për media. (Stadiumi ‘Fadil Vokrri’, ora 17:00)

Oda e Mjekëve të Kosovës organizon Simpoziumin e 31-të të Odave të Mjekëve të Evropës Qendrore dhe Lindore. (“Swiss Diamond”, ora 18:30)