Policia e Kosovës bën të situr se sot do të ndërmarrë masa të veçanta sigurie me rastin e kalimit transit nëpër Kosovë të presidentit të Shqipërisë, Bajram Begaj.

Sipas njoftimit, Policia ka realizuar paraprakisht të gjitha veprimet e nevojshme operative dhe ka angazhuar njësitë përkatëse për të garantuar sigurinë dhe zhvillimin normal të qarkullimit përgjatë itinerarit ku do të lëvizë eskorta presidenciale.

Për të mundësuar lëvizje të lirë sipas itinerarit të paraparë, Policia do të bëjë ndërprerje të përkohshme të trafikut në intervale të shkurtra kohore në disa segmente rrugore nga Pika e Kalimit Kufitar Vërmicë deri te Pika e Kalimit Kufitar Hani i Elezit.

Ndërprerje të ngjashme do të ketë edhe gjatë kthimit të presidentit shqiptar më 11 qershor 2026, ndërsa sipas nevojës trafiku mund të riorientohet në rrugë alternative.

Policia e Kosovës ka falënderuar qytetarët dhe të gjithë pjesëmarrësit në komunikacion për mirëkuptimin dhe bashkëpunimin.

/Kosovapress/