Këngëtarja me origjinë shqiptare, Bebe Rexha, ka tërhequr vëmendjen me paraqitjen e saj gjatë performancës në një festë të organizuar për finalen e Kupës së Botës në Los Angeles.

Artistja 36-vjeçare u ngjit në skenë me një kostum të guximshëm, të kombinuar me pantallona të shkurtra dhe geta rrjetë, ndërsa veshja e saj përfshinte edhe stemën e gjelit, simbol i ekipit kombëtar të Francës. Gjatë performancës, ajo interpretoi disa nga hitet e saj dhe u prit me entuziazëm nga publiku.

Këngëtarja ka folur edhe më herët për sfidat shëndetësore me të cilat përballet, duke zbuluar se vuan nga sindroma e vezoreve policistike (PCOS), një gjendje kronike metabolike që mund të ndikojë, ndër të tjera, edhe në shtimin e peshës. Ajo ka theksuar vazhdimisht rëndësinë e pranimit të trupit dhe kujdesit për shëndetin, pavarësisht komenteve në rrjetet sociale.