Inspektorati Policor i Kosovës (IPK) ka arrestuar një zyrtar policor me dyshimin se i njëjti ka kryer veprën penale dhunë në familje.

IPK kishte pranuar dje informacione nga Policia e Kosovës lidhur me dyshimin së një zyrtar policor në Graçanicë ka kryer veprën penale dhunë në familje.

Pas veprimeve fillestare hetimore është konsultuar edhe prokurori kompetent dhe zyrtarit policor me vendim të prokurorit, i është caktuar masa e ndalimit për 48 orë.

Si pjesë e procedurave administrative dhe hetimore, zyrtari policor është suspenduar.

Hetuesit e IPK-së në koordinim të plotë me prokurorinë do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me rastin.