Djali 27-vjeçar i Princeshës së Kurorës së Norvegjisë është arrestuar nën dyshimin për përdhunim, tha policia norvegjeze të martën.

Marius Borg Hoiby u lind para se nëna e tij Mette-Marit të martohej me Princin e Kurorës Haakon dhe të bëhej princeshë në vitin 2001.

Ai u arrestua për shkelje të kodit penal që ka të bëjë me “marrëdhëniet seksuale me dikë që është pa ndjenja ose për arsye të tjera nuk është në gjendje t'i rezistojë aktit.”

Policia saktësoi se ai akuzohet se ka kryer një “akt seksual pa marrëdhënie” ndaj një viktime “që thuhet se nuk ka mundur t’i rezistojë aktit”.

Viktima e supozuar është një grua rreth të 20-ave, e cila nuk e njihte Hoiby përpara se ta takonte ditën e incidentit të supozuar, tha avokati i saj Hege Salomon për CNN.

Avokati Oyvind Bratlien, tha CNN se Hoiby e mohon akuzën.

Transmetuesi publik norvegjez NRK raportoi se Hoiby tani është akuzuar për vepra të ndryshme kundër pesë personave të ndryshëm - katër gra dhe një burrë.

Høiby gjithashtu është akuzuar për kërcënim për të vrarë një burrë rreth të 20-tave, raportoi NRK.

Shtëpia Mbretërore e Norvegjisë nuk pranoi të komentojë akuzat.