Arrestohen dy mjekë në Vushtrri, dyshohet se morën ryshfet, të paktën në tetë raste
2-Second
Lexohet për: 1 min.
Dëgjoje me zë...
Arrestohen dy mjekë në Vushtrri, dyshohet se morën ryshfet, të paktën në tetë raste
Dy mjek, punonjës të spitalit në Vushtrri, janë arrestuar, nën dyshimin se kanë kërkuar dhe kanë marrë para jashtëligjshëm, për shërbimet që kanë ofruar, të paktën në tetë raste.
Lajmin e ka bërë të ditur Prokuroria Themelore në Mitrovicë. Sipas saj, dy të dyshuarit, me inicialet E.S. dhe V.R. u prangosen nën dyshimin për kryerjen e veprës penale “Marrja e ryshfetit”.
“Bazuar në dyshimet fillestare, E.S. dyshohet se në tri raste, ndërsa V.R. në pesë raste, kanë kërkuar dhe pranuar para nga qytetarët në këmbim të ofrimit të shërbimeve shëndetësore”, thuhet në njoftimin e kësaj prokurorie, përcjellë KosovaPress.
Me vendim të prokurorit, të dyshuarve u është caktuar masa e ndalimit prej 48 orësh.
Ky mekanizëm i drejtësisë bëri me dije se brenda afatit ligjor pritet të paraqitet kërkesa për caktimin e masës së sigurisë. /KosovaPress/
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
