Kryeministri i Kosovës, Albin Kurti, ka reaguar pas aksidentit tragjik të së martës në Austria, ku sipas informacioneve zyrtare, tre prej viktimave janë qytetarë të Republikës së Kosovës.

Kurti ka thënë se është thellësisht i tronditur nga kjo ngjarje e rëndë, ndërsa ka shprehur ngushëllimet më të sinqerta për familjet e viktimave dhe për të gjithë të prekurit nga kjo tragjedi, transmeton KosovaPress.

Ai theksoi se institucionet e Kosovës janë në komunikim të vazhdueshëm me Ambasadën e Kosovës në Vjenë, me qëllim që të ofrohet e gjithë mbështetja e nevojshme për familjarët e viktimave.

Sipas tij, këto janë momente të vështira për të gjithë, ndërsa Qeveria e Kosovës mbetet e angazhuar për t’u qëndruar pranë qytetarëve të saj në çdo rrethanë.

/Kosovapress/