Një aksident i rëndë ka ndodhur të hënën në Gjakove, ku si pasojë katër persona kanë pësuar lëndime dhe të njëjtit janë dërguar për trajtim mjekësor në Qendrën Klinike Univeristare të Kosovës (QKUK).

Nga katër të lënduarit, një fëmijë i është nënshtruar operimit në Kirurgjinë e Fëmijëve dhe anestezionit.

“Katër të aksidentuar i ka sjellë Spitali i Gjakovës. Janë kryer ekzaminimet e nevojshme. Njëri nga të lënduarit u dërgu në sallën operative nga kirurgjia e fëmijëve dhe anestezionit. Tre të tjerët janë duke i kompletuar ekzaminimet dhe konsultat e nevojshme  në QE. Gjendja e tyre është stabile edhe pse me lëndime  të rënda”, tha Syla.