Kombëtarja e vajzave të Kosovës në volejboll, do të zhvillojë ndeshjen e katërt miqësore në kuadër të përgatitjeve për Ligën Evropiane CEV, ku do të përballet me Maqedoninë e Veriut.

Takimi pritet të zhvillohet më 30 maj, duke filluar nga ora 15:00, në palestrën “Ilaz Kodra” në Skenderaj.

Kjo ndeshje shërben si një test i rëndësishëm për përzgjedhësin e Kosovës, i cili po synon të rrisë formën dhe koordinimin e skuadrës para garave ndërkombëtare.

Ndërkohë, stafi teknik pritet t’u japë hapësirë lojtareve për të dëshmuar formën e tyre, ndërsa përballja me Maqedoninë e Veriut konsiderohet një provë serioze për nivelin aktual të ekipit.

Federata ka bërë thirrje për tifozët që të jenë të pranishëm në palestër dhe të mbështesin vajzat në këtë test të rëndësishëm para nisjes së Ligës Evropiane.

KosovaPress