Kapiteni i Kepit të Gjelbër, Sidny Lopes Cabral, ka shprehur besim të madh se skuadra e tij mund ta eliminojë Argjentinën në fazën e 1/16 së finales së Kupës së Botës 2026, pavarësisht se përballë do të ketë kampionët në fuqi.

Mbrojtësi 23-vjeçar theksoi se kombëtarja e tij ka fituar vetëbesim pas paraqitjeve mbresëlënëse në fazën e grupeve dhe beson se mund të vazhdojë surprizën në turne.

“Do të jetë një ndeshje e vështirë dhe intensive, por do të përgatitemi mirë. Kemi besim se do të bëjmë një ndeshje të madhe kundër Argjentinës dhe do të arrijmë të kalojmë në raundin tjetër”, deklaroi Cabral.

Ai mohoi se suksesi i ekipit është rastësi, duke theksuar se forca kryesore e Kepit të Gjelbër është uniteti.

“Nuk ka asnjë sekret. Ne jemi si një familje, bëjmë gjithçka së bashku dhe kemi një lidhje shumë të fortë mes nesh”, u shpreh ai.

Cabral foli edhe për yjet e Argjentinës, duke pranuar se Lionel Messi është futbollisti më i madh i të gjitha kohërave, por shtoi se kundërshtari nuk mbështetet vetëm te ai.

“Për lojtarët tanë është një nder të luajnë kundër Messit, por ne nuk jemi të fokusuar vetëm tek ai. Argjentina ka shumë futbollistë të shkëlqyer. Më pëlqejnë Messi, Nicolás Otamendi, Lautaro Martínez dhe Enzo Fernández”, deklaroi mbrojtësi i Kepit të Gjelbër.

KosovaPress