E ardhmja e futbollistit të Kosovës, Edon Zhegrova, te Juventusi mund të marrë fund pas vetëm një sezoni, pasi interesimi për të nga Turqia po rritet.

Sipas raportimeve të mediave italiane, Trabzonspor ka nisur kontaktet e para eksploruese për transferimin e anësorit kosovar. Klubi turk dëshiron ta sjellë 27-vjeçarin në Superligën turke dhe po shqyrton mundësinë e hapjes së negociatave konkrete gjatë afatit kalimtar veror.

Sipas të njëjtave burime, edhe Juventusi do ta konsideronte një shitje të mundshme, pasi synon të krijojë hapësirë financiare për afrimet e reja në merkato. Interesimi i Trabzonsporit mund të shndërrohet në negociata konkrete në javët e ardhshme.