Ka nisur në stadiumin stadiumin “Fadil Vokrri” ndeshja miqësore ndërmjet Kosovës dhe Andorrës.

Përzgjedhësi i Kosovës, Franco Foda, ka vendosur të aktivizojë nga minuta e parë disa futbollistë të rinj, duke vazhduar kështu procesin e testimit dhe vlerësimit të lojtarëve në prag të sfidave të ardhshme.

Kosova është rreshtuar me këtë formacion: Bekaj, Vojvoda, I. Krasniqi, Hajdari, Gallapeni, Emërllahu, Avdullahu, Jashari, Zabergja, Asllani dhe Rrahmani.

Kapiten i “Dardanëve” në këtë përballje është Mërgim Vojvoda.

Ndeshja po zhvillohet para tifozëve kosovarë në Prishtinë dhe do t’i shërbejë stafit teknik për të parë nga afër formën e futbollistëve që kanë marrë rastin nga minuta e parë në këtë test miqësor ndaj Andorrës.

KosovaPress