Ngjarja më e madhe sportive, Kupa e Botës e cila do të zhvillohet në Shtetet e Bashkuara, Kanada dhe Meksikë, do të ketë dhjetëra yje që do të bëjnë lojë të bukur, por do të ketë edhe të tjerë, mungesa e të cilëve do të ndihet nga tifozët.

Këtu janë disa nga futbollistët më të shquar, të cilët do të humbasin Kupën e Botës 2026.

- Lennart Karl (Gjermani): Mesfushori i talentuar 18-vjeçar pësoi një këputje muskulore në kofshën e majtë ndërsa ishte tashmë në kamp me ekipin kombëtar duke u përgatitur për Kupën e Botës.

- Rodrygo (Brazil): Sulmuesi i Real Madridit pësoi gjithashtu një këputje të ligamentit të kryqëzuar, si dhe një dëmtim të meniskut të jashtëm në gjurin e djathtë në fillim të marsit.

- Eder Militao (Brazil): Mbrojtësi i Real Madridit, pasi kapërceu dy këputje të mëparshme të ligamentit të kryqëzuar, iu desh t’i nënshtrohej përsëri një ndërhyrjeje kirurgjikale, këtë herë për një këputje të tendinit të bicepsit femoris të majtë.

- Estevao (Brazil): Ylli i ri i Chelseat u la jashtë skuadrës së Ancelottit për shkak të një këputjeje në kofshën e djathtë.

- Fermin Lopez (Spanja): Mesfushori i Barçës, i cili ishte në garë për një vend titullar në Kupën e Botës, theu metatarsalin e pestë në këmbën e djathtë në ditën e fundit të La Ligës.

- Hugo Ekitike (Franca): Sulmuesi i Liverpoolit këputi tendinin e Akilit me një lëvizje brenda zonës gjatë një ndeshjeje të Ligës së Kampionëve kundër PSG në prill.

- Jack Grealish (Angli): Mesfushori sulmues i Evertonit pësoi një frakturë stresi në këmbën e majtë në mesin e janarit dhe iu nënshtrua një ndërhyrjeje kirurgjikale në shkurt.

- Xavi Simons (Holandë): Mesfushori i Tottenhamit është një nga të fundit që u tërhoq nga Kupa e Botës për shkak të një këputjeje të ligamentit të kryqëzuar anterior në gjurin e djathtë.

- Matthijs De Ligt (Holandë): Qendërmbrojtësi i Manchester United, i cili nuk kishte luajtur që nga nëntori, iu nënshtrua një operacioni në shpinë më 15 maj.

- Jurrien Timber (Holandë): Mbrojtësi i Arsenalit përfundimisht nuk do të luajë në Kupën e Botës pavarësisht përpjekjeve të tij për t'u rikuperuar nga një problem në ijë.

Kupa e Botës FIFA 2026 do të zhvillohet për herë të parë në tre vende Kanada, Meksikë dhe Shtetet e Bashkuara të Amerikës, nga 11 qershori deri më 19 korrik 2026.

KosovaPress