Sulmuesi i PSG-së, Ousmane Dembele, u shpall të hënën lojtari i vitit në Ligue 1 për të dytin vit radhazi, pasi e udhëhoqi klubin në prag të titullit të 14-të francez dhe finales së Ligës së Kampionëve.

Vitin e kaluar Dembele pasoi Mbappen, i cili e fitoi çmimin pesë herë radhazi para se të largohej për në Real Madrid. Vitin e kaluar Dembele pasoi Kylian Mbappe, i cili e fitoi çmimin pesë herë radhazi para se të largohej për në Real Madrid.

“Është një trofe individualë por të gjitha trofetë individualë që kam fituar janë falë këtij ekipi” – tha Dembele.

Sulmuesi e mbajti këtë çmim pavarësisht se pati një sezon të mbushur me lëndime. Ai ka qenë titullar vetëm nëntë ndeshje në Ligue 1, duke regjistruar 960 minuta kohë loje, krahasuar me 20 minuta si titullar dhe 1,736 minuta sezonin e kaluar.

Ndërkohë PSG në mënyrë efektive siguroi një tjetër titull në Ligue 1 të dielën, pasi një fitore 1-0 ndaj Brest i la gjashtë pikë larg rivalëve më të afërt, Lens.

PSG do të kurorëzohet zyrtarisht kampione franceze për të pestin sezon radhazi dhe të 12-tën herë në 14 vitet e fundit, nëse shmang humbjen jashtë fushe ndaj Lens, e vendit të dytë, të mërkurën.

Ndërkaq PSG – ja po përgatitet gjithashtu për finalen e Ligës së Kampionëve kundër Arsenalit më vonë këtë muaj, pasi mposhti Bayernin me rezultatin e përgjithshëm 6-5 në gjysmëfinale.

Çmimi për lojtarin më të mirë të ri shkoi te shoku i skuadrës së Dembele, Desire Doue, ndërsa Pierre Sage mori nderimet për trajnerin më të mirë pasi e vendosi Lens si një sfidues të drejtpërdrejtë të PSG.

PSG do të përballet me Arsenalin për finalen e Ligës së Kampionëve më 30 maj, pasi mposhti Bayernin me rezultatin e përgjithshëm 6-5 në gjysmëfinale.

KosovaPress