Ballkani do të zbresë sonte në fushë për ndeshjen vendimtare ndaj Connah’s Quay, në kuadër të ndeshjes së kthimit të rrethit të parë kualifikues të UEFA Konferencë Ligë.

Takimi zhvillohet në stadiumin “Fadil Vokrri” në Prishtinë, me fillim nga ora 20:00.

Skuadra nga Suhareka hyn në këtë përballje pas barazimit 0-0 në ndeshjen e parë të zhvilluar në Uells, duke lënë të hapur gjithçka për sfidën e kthimit. Fituesi i kësaj ndeshjeje do të sigurojë kualifikimin në rundin e dytë kualifikues të garës evropiane, ndërsa në rast të një barazimi tjetër, ndeshja do të vazhdojë me kohën shtesë dhe, nëse është e nevojshme, me penallti.

Ballkani synon të shfrytëzojë përparësinë e terrenit vendas dhe përkrahjen e tifozëve për të vazhduar rrugëtimin në UEFA Konferencë Ligë, ndërsa Connah’s Quay do të kërkojë të befasojë në kryeqytetin e Kosovës.

Pritet një përballje e zjarrtë, me të dy skuadrat që kanë gjithçka për të fituar në ndeshjen që do të vendosë ekipin që avancon në fazën e ardhshme të garës evropiane.

KosovaPress