Kandidatura e vetme shqiptare në listat italiane për në PE, ka ngjallur interes dhe mbështetje tek eurodeputetë në krejt Evropën.
Pas eurodeputetit kroat Valter Flego që tha se Marco në Parlamentin Evropian do të forcojë zërin shqiptar në Evropë, vjen mbështetja e Lucas Mandl, mbrojtës i zjarrtë i Kosovës, partneri i saj brenda Parlamentit dhe institucioneve evropiane.
Kandidatit shqiptar, i kanë mbërritur mesazhe mbështetëse nga gjithë anët e Evropës. Ish-presidentë, ish-ministra, deputetë evropianë, deputetë të viseve shqiptare, drejtues të organizatave të biznesit, presidenti i Federatës Shqiptare të Futbollit Armando Duka.
Surpriza ishte urimi në grup i futbollistëve të kombëtares së Shqipërisë, Broja, Asani, Gjimshiti, që është dhe vendas i Marco-Muharrem Salihut. Futbollistët nga grumbullimi gjetën kohën të bënin thirrje te komuniteti shqiptar i verilindjes të votonin Marco-n.
Mesiq pret fitoren e Muharrem Salihut në rrugën drejt Parlamentit Evropian • KosovaPress
