Presidenti ukrainas Volodymyr Zelensky ka nënshkruar një dekret që tërheqë vendin nga Konventa e Otavës, e cila ndalon prodhimin dhe përdorimin e minave kundër personelit.

Ukraina e ratifikoi konventën në vitin dymijepesë, raporton KosovaPress.

"Mbështetni propozimin e Ministrisë së Punëve të Jashtme të Ukrainës për tërheqjen e Ukrainës nga Konventa për ndalimin e përdorimit, magazinimit, prodhimit dhe transferimit të minave kundër personelit dhe për shkatërrimin e tyre të tetëmbëdhjetë shtatorit njëmijenëntëqindenëntëdhejteshtatë", thuhet në dekretin e publikuar në faqen e internetit të Zelensky.

Përfaqësuesi i lartë ukrainas, Roman Kostenko, deklaroi se miratimi parlamentar është ende i nevojshëm për t'u tërhequr nga marrëveshja.

"Ky është një hap që realiteti i luftës e ka kërkuar prej kohësh. Rusia nuk është palë në këtë Konventë dhe po përdor masivisht mina kundër ushtarëve dhe civilëve tanë", tha Kostenko, sekretar i komisionit parlamentar për sigurinë kombëtare, mbrojtjen dhe inteligjencën, në faqen e tij në Facebook.

"Ne nuk mund të mbetemi të detyruar në një mjedis ku armiku nuk ka kufizime", shtoi ai, duke theksuar se vendimi legjislativ duhet më në fund të rivendosë të drejtën e Ukrainës për të mbrojtur në mënyrë efektive territorin e saj.

Rusia ka rritur operacionet ofensive në Ukrainë në muajt e fundit, duke përdorur epërsi të konsiderueshme numerike. Kostenko nuk tha se kur do të diskutohet kjo çështje në parlament.