Komisioni Qendror Zgjedhor (KQZ) ka hedhur poshtë mundësinë e falsifikimit të votave dhe shkeljen e mundshme të privatësisë gjatë procesit të votimit sot në katër komunat veriore. Duke folur rreth vendosjes së kabinave të votimit kah muri dhe nëse kjo shkel ligjin, zëdhënësi Valmir Elezi ka thënë se kjo mënyrë e pozicionimit do ta pamundësojë fotografimin e votës dhe nuk e cenon fshehtësinë e votës.

Elezi ka folur rreth vendosjes së kamerave në procesin e votimit, duke thënë se një gjë e tillë në asnjë rrethanë nuk e cenon fshehtësinë e votës, derisa i gjithë procesi nuk monitorohet nga KQZ dhe se filmimet e kamerave do të shkatërrohen së bashku me materialin zgjedhor në rast se nuk do të ketë kërkesa nga institucionet. Konferenca e radhës e KQZ-së do të mbahet në ora 19:30 dhe ajo ka të bëjë me procesin e votimit në tërësi. Sot, banorët e Leposaviqit, Zubin Potokut, Zveçanit dhe Mitrovicës së Veriut, do të vendosin pro apo kundër largimit të kryetarëve të këtyre komunave, pasi Komisioni Qendror i Zgjedhjeve verifikoi nënshkrimet e qytetarëve në peticionet e mbledhura nga mesi i muajit janar. /A.Zogaj

Lajmi i plotë në sistemin me parapagim.