Votimet e 21 prillit, ministri Krasniqi: Mbesim të vendosur për ta realizuar vullnetin e qytetarëve
Ministri i Administrimit të Pushtetit Lokal, Elbert Krasniqi, deklaroi sot se me votimet e 21 prillit për heqjen e kryetarëve në veri po realizohet vullneti i qytetarëve në përputhje me Kushtetutën.
KQZ sot ka caktuar datën 21 prill për votim për largimin e kryetarëve nga funksioni në komunat Mitrovicë e Veriut, Leposaviq, Zubin Potok dhe Zveçan, bazuar në afatet kohore të përcaktuara me udhëzimin administrativ.
Përmbushet 20 përqindëshi për largimin e kryetarëve në veri, caktohet data e votimit • KosovaPress
“Gatishmëria jonë për realizimin e vullnetit të qytetarëve do të vazhdojë në përputhje me kushtetutën dhe legjislacionin në fuqi”, ka shkruar Krasniqi në Facebook.
KQZ-ja miraton katër rregullore zgjedhore • KosovaPress
Ai ndërkaq ka dënuar sulmin në pronën private të nënkryetares së Zveçanit, Natasha Tomaniq, duke thënë se ka kaluar koha kur bandat kriminale frikësonin Republikën me sulme.
Iu dogj lokali, nënkryetarja e Zveçanit për KosovaPress: Dyshoj në Severna Brigadën dhe në Listën Srbska • KosovaPress
“Grupet kriminale në Zveçan vazhdojnë me sulme dhe terror, kësaj radhe cak i tyre ishte dyqani privat i nënkryetares së Komunës së Zveçanit, Natasha Tomaniq. Si institucione shtetërore e dënojmë këtë akt dhe ju ofrojmë mbështetje qytetarëve nga komuniteti serb në luftën tonë të përbashkët kundër grupeve kriminale. Vullneti qytetar do të respektohet ndërkohë që krimi do të ndëshkohet dhe nuk do të tolerohet”.
