Ministri i Shëndetësisë, Arben Vitia ka nënshkruar kontratën për vazhdimin e punimeve në Spitalin Regjional të Ferizajt. Kostoja e këtij projekti do të jetë prej 24 milionë euro.

Vitia këtë e ka bërë të ditur në Facebook, për çka tha se ky projekt do të finalizohet brenda 30 muajsh, raporton KosovaPress.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh.

Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur”, ka shkruar Vitia.

/Kosovapress/