Sot, në orët e hershme të mëngjesit, në Leposaviq, është tentuar që të digjet vetura e kryetarit të Asamblesë Komunale të Leposaviqit, Gorski Buriq, bëjnë të ditur burime të KosovaPress-it.

I njëjti,  i është nënshtruar një sulmi të organizuar propagandistik e linçues ditëve të fundit nga llogari të rrjeteve sociale serbo-ruse në telegram.

Më 26 janar, në këto kanale (BUNKER dhe KORIDOR) që lidhen me organizatën terroriste “Severna Brigada”, kanë publikuar fotografitë e disa zyrtarëve serbë të komunës së Leposaviqit, në mesin e të cilëve edhe të kryetarit të Asamblesë së kësaj komune, Gorski Buriq.

Në mesin e të kërcënuarve është edhe fotografia dhe emri i zëvendësministrit të Ministrisë për Kthim të Republikës së Kosovës, Radoica Radomiroviq, si dhe emri i birit të tij, Nikola Radomiroviq.

Vlen të theksohet se, dyshohet se motivi i tentim-djegies së automjetit të Buriq ndërlidhet me peticionin që kanë organizuar Lista Serbe për dorëheqjen e kryetarëve të komunave në veri.

Buriq, ia ka dalë ta shuajë zjarrin vetë, ndërsa organet e rendit kanë gjetur në vendin e ngjarjes edhe mollotovin me të cilin është sulmuar prona dhe familja e tij.

• 

•