Vazhdojnë përplasjet e pozitës dhe opozitës në Kuvend
Në mungesë të kuorumit ka dështuar mbledhja e Komisionit për Administratë Publike, Pushtet Lokal, Media dhe Zhvillim Rajonal, ku do të raportonte Komisioni i Pavarur për Media dhe bordi i ARBK-së në lidhje me çështjen e Klan Kosovës.
Komisioni parlamentar nuk kishte votat e mjaftueshme për të miratuar rendin e ditës, pasi deputetët opozitarë nuk morën pjesë në votim, gjë e cila nxiti polemika pozitë-opozitë.
Kryetari i komisionit, Valon Ramadani, kritikoi deputetët opozitarë që nuk morën pjesë në votim të rendit të ditës.
Por atij iu kundërpërgjigj deputeti i PDK-së, Mërgim Lushtaku, i cili tha se është e papërgjegjshme nga mazhoranca që nuk i ka numrat edhe për miratim të rendit të ditës së komisioneve.
Ai tha se është qëndrim i PDK-së që të mos merr pjesë në votime në seanca dhe komisione, deri në shpërbërjen e Kuvendit.
Po ashtu edhe deputeti i LDK-së, Agim Veliu, tha se nuk mund të vazhdohet me mbledhjen e këtij komisioni, pas dështimit të miratimit të rendit të ditës, për çka e bëri përgjegjëse pozitën.
Kryetari i komisionit, Valon Ramadani, tha se të njëjtën mbledhje do të thërras ditëve në vijim.
Lajmi i plotë është në sistemin me parapagim.
