Manchester United thuhet se është duke u përballur me presion për të vendosur një çmim të mundshëm për shitjen e Mason Greenwood.

United e konfirmoi të hënën që ka arritur një akord të përbashkët me Greenwood që e ardhmja e këtij të fundit të jetë larg “Old Trafford”, raporton KosovaPress.

Greenwood u arrestua në janar të vitit 2022 nën disa akuza, përfshi këtu përdhunimin, ndërsa Prokuroria e Kurorës i largoi të gjitha akuzat në shkurt të këtij viti, pasi që dëshmitari kryesorë ishte tërhequr dhe materiale të reja janë publikuar.

Tani, thuhet se interesimi për Greenwood nuk mungon me klube në Evropë dhe Lindjen e Mesme që janë në kërkim të tij.

Ai mund të largohet nga United në formë huazimi ose të shkëpusë kontratën, ndërsa nuk do të luajë kurrë më për klubin.

Edhe pse United ende nuk e ka sqaruar nëse do të kërkojë ndonjë shumë për 21 vjeçarin, “The Telegraph” bën të ditur se “Djajtë e Kuq” po përballen me presion nëse duhet të vendosin shumë transferimi në Greenwood.