Trajneri i Tottenham Hotspur, Igor Tudor, ka sfiduar parashikimet pesimiste përpara ndeshjes së kthimit në Champions League, duke deklaruar se eliminimi i Atletico Madrid mbetet një mision i mundshëm pavarësisht humbjes 5-2 në sfidën e parë.

Sipas raportimeve të Reuters, tekniku kroat kërkon që skuadra e tij të tregojë karakter dhe të shfrytëzojë momentin e vështirë të spanjollëve, të cilët vijnë pas dy humbjeve radhazi në kampionat. Tudor konfirmoi rikthimin e Cristian Romero-s në mbrojtje, ndërsa mbetet në dyshim aktivizimi i Conor Gallagher për shkak të problemeve shëndetësore, duke e cilësuar këtë përballje si mundësinë e artë për të rikthyer besimin te tifozët pas një serie negative në Premier League.

Në prag të kësaj sfide vendimtare, mbrojtësi Micky van de Ven ka shpërthyer ndaj spekulimeve që qarkullojnë për mungesë angazhimi brenda zhveshtores.

Holandezi hodhi poshtë zërat se lojtarët që pritet të largohen në verë nuk po japin maksimumin, duke i cilësuar këto raportime si trillime që dëmtojnë marrëdhënien me publikun.

"Të gjithë në fushë dhe në staf janë të përkushtuar maksimalisht për të përmbysur situatën," u shpreh ai, duke u përpjekur të shuajë zërat për apati në një kohë kur Spurs-at luftojnë jo vetëm për progresin në Evropë, por edhe për mbijetesën në ligën vendase.

KosovaPress