Presidenti amerikan Donad Trump ka bërë të ditur në rrjete sociale se marrëveshja bërthamore mes Shteteve të Bashkuara të Amerikës dhe Arabisë Saudite mund të finalizohet vetëm atëherë kur kjo e dyta e njeh Izraelin si shtet.

“Marrëveshja për energjinë bërthamore civile (nuk do të ketë pasurim të materialeve!)... e cila ka të bëjë vetëm me përdorimin jo-ushtarak... do të miratohet, por është plotësisht e kushtëzuar me anëtarësimin e Arabisë Saudite në Marrëveshjet e Abrahamit”, tha Trump në një postim në Truth Social.

Komentet e Trumpit vijnë pas kritikave nga ekspertët se marrëveshja mund të rrezikojë përhapjen e armëve bërthamore në të ardhmen në një rajon tashmë të paqëndrueshëm.

Çështja bërthamore ka qenë në qendër të konfliktit disa-mujor mes SHBA-së dhe Izraelit me Iranin.

Në vitin 2020, Trump ndërmjetësoi Marrëveshjet e Abrahamit, të cilat siguruan normalizimin historik të marrëdhënieve mes Izraelit dhe dy vendeve arabe, Emirateve të Bashkuara Arabe (EBA) dhe Bahreinit.

Që atëherë, Sudani dhe Maroku kanë normalizuar marrëdhëniet me Izraelin, transmetuesi britanik BBC, përcjell KosovaPress.

/Kosovapress/