Një vit më parë, një çift u martua në ujëra deri në gju mes një tajfuni të fuqishëm në Filipine. Fotot e dasmës u bënë shpejt virale pasi zbuluan një qëndrueshmëri të jashtëzakonshme në një botë që po ngrohet.

Shiu vazhdonte të binte dersa makina e dasmës ecën ngadalë përmes ujërave të përmbytjes që arrinin deri në gjunjë drejt kishës.

Ishte 22 korriku i vitit 2025 dhe tajfuni Wipha po godiste Filipinet me erëra 130 km/orë (80 mph) . Jamaica Aguilar e dinte tashmë se ishte përmbytur Kisha historike Barasoain në Malolos, një orë në veri të Manilës, ku do të zhvillohej dasma e saj.

"Mbaj mend që lutesha dhe kërkoja, të lutem ndalo shiun vetëm për sot që ta shijojmë këtë", kujton Aguilar, gati një vit më vonë. "Dhe për fat të mirë, ndaloi kur dola nga makina."

Stafi i grimit e kishte paralajmëruar se do të kishte ekipe lajmesh, por ajo i kishte injoruar, mosbesuese dhe nervoze. Tani mund t’i shihte. Duke dalë nga makina, ajo hapi bishtin e fustanit jashtë kishës, ndërsa mediat ishin rreshtuar.

"Isha thjesht nervoze dhe mendoja me vete, kjo është ajo, kjo është ajo që duhet bërë," tha Aguilar. "Edhe pse nuk e kisha planifikuar kështu, ja ku është."

Është dashuri në mes të një katastrofe – Aaron Favila

Aaron Favila, një fotoreporter i Associated Press, kapi momentin dhe fotot e tij shpërthyen menjëherë në internet. Në prill të vitit 2026, ai fitoi një çmim prestigjioz në Ëorld Press Photo 2026 për imazhet.

Emetimet e karburanteve fosile po nxisin ekstremet klimatike, transmeton BBC. Në praktikë, kjo do të thotë që skena e kapur nga Favila ka të ngjarë të bëhet më e zakonshme: një nuse që duhet të ecë drejt altarit zbathur dhe përmes ujërave të përmbytjeve, ndërsa pothuajse 10 milionë njerëz në vendin e saj vuajnë nga ndikimi i një stuhie tropikale. Filipinet kanë një histori të gjatë në përballjen dhe menaxhimin e përmbytjeve, por ndryshimi i klimës tani po e manipulon lojën .