Shtetet e Bashkuara të Amerikës (SHBA) dhe Irani thonë se kanë arritur një marrëveshje që do të hyjë në fuqi të premten. Presidenti Donald Trump tha se SHBA-të po heqin bllokadën detare ndaj porteve iraniane dhe se Ngushtica e Hormuzit do të rihapet pasi të nënshkruhet marrëveshja, shkruan BBC, përcjell KosovaPress.

Trump do të jetë në Francë për samitin e G7, ku lufta pritet të jetë në qendër të vëmendjes. SHBA-të dhe Irani kanë ofruar versione kontradiktore për atë që do të ndodhë më pas pas një ceremonie nënshkrimi në Gjenevë .

Ministri i mbrojtjes i Izraelit tha se forcat e tij nuk po tërhiqen nga Libani jugor, edhe pse Irani ka thënë se marrëveshja përfshin një fund të konfliktit atje. Përpara se marrëveshja të shpallej, forcat izraelite sulmuan Bejrutin , duke e zemëruar Trumpin, i cili ka shprehur publikisht zemërimin e tij me kryeministrin Benjamin Netanyahu.

Mbrëm vonë, Shtetet e Bashkuara të Amerikës dhe Irani kanë njoftuar arritjen e një marrëveshjeje kornizë për paqen, e cila pritet të nënshkruhet të premten në Zvicër.

Sipas presidentit amerikan, Donald Trump, pas nënshkrimit të marrëveshjes “nafta do të transportohet sërish”, ndërsa çmimet e naftës kanë shënuar rënie pas njoftimit për marrëveshjen.

Lufta filloi me sulmet amerikane dhe izraelite në të gjithë Iranin më 28 shkurt, duke e shtyrë Iranin të sulmonte Izraelin dhe shtetet aleate të SHBA-së në Gjirin Persik - si dhe duke mbyllur në mënyrë efektive Ngushticën e Hormuzit, një rrugë kyçe transporti për naftën dhe gazin natyror të lëngshëm në botë.