Sonte në Uashington po zhvillohet ngjarja më e madhe e arteve marciale të përziera për vitin 2026, ku Ilia Topuria dhe Justin Gaethje do të përballen në meçin kryesor për bashkimin e titullit të padiskutueshëm të kategorisë së lehtë në UFC Freedom 250.

Ky spektakël historik do të organizohet jashtë, në hapësirat e Shtëpisë së Bardhë, nën praninë e Presidentit amerikan Donald Trump dhe shumë personaliteteve të njohura. Gjeorgjiani i pamposhtur Topuria, i cili e kishte lëshuar brezin vitin e kaluar për arsye personale, hyn në këtë përballje si favorit ndaj kampionit të përkohshëm amerikan, Justin Gaethje.

Përveç meçit kryesor, Shtëpia e Bardhë do të jetë dëshmitare edhe e një tjetër përballjeje titanësh në kategorinë e rëndë (Heavyweight).

Alex Pereira dhe Ciryl Gane do të ndeshen në "Co-Main Event" për titullin e përkohshëm të kësaj kategorie. Ky duel pritet të ndezë atmosferën para rrahjes kryesore, duke i ofruar publikut një përplasje mes fuqisë goditëse të Pereiras dhe teknikës e lëvizshmërisë së Gane-s.

Për adhuruesit e sportit në Kosovë që duan ta ndjekin këtë ngjarje live, programi kryesor (Main Card) do të nisë nesër në mëngjes (e hënë, 15 qershor) në orën 02:00 sipas kohës sonë lokale. Ndërkohë, ecja drejt kafazit (ring walk) për dyshen Topuria dhe Gaethje pritet të ndodhë rreth orës 03:30 të mëngjesit.

Ky event është pjesë e festimeve të "Freedom 250" dhe përkon pikërisht me ditëlindjen e 80-të të Presidentit Trump.

KosovaPress