Një grup tifozësh të Manchester United thuhet se po planifikojnë një protestë përpara ndeshjes së parë të klubit këtë sezon, duke theksuar kundërshtimin e tyre për përfshirjen e Mason Greenwood në ekipin e parë.

Sipas “The Athletic”, protestuesit po përgatiten të shprehin ndjenjat e tyre përpara ndeshjes së hënës kundër Wolverhampton në “Old Trafford”, përcjell KosovaPress.

Greenwood, 21 vjeç, u arrestua në janar të vitit 2022 dhe u pezullua nga pagesa e plotë nga United pak kohë më vonë, pasi kundër tij u ngritën akuza për përdhunim dhe sulm të dyshuar.

Megjithatë, Shërbimi i Prokurorisë së Kurorës njoftoi në shkurt të këtij viti se akuzat ishin hequr pasi dëshmitarët kryesorë u tërhoqën nga përfshirja në këtë rast.

Pasi lajmi u bë publik, United lëshoi një deklaratë të shkurtër e cila shpjegoi se si do të kryenin një hetim të brendshëm për të vendosur të ardhmen e tij - diçka që ka vazhduar që atëherë - me një vendim që pritet së shpejti nëse ai do të mbetet apo jo në klub.

Raporti thotë se një pankartë është përgatitur nga protestuesit që lexon: “Tifozet femra kërkojnë që Greenwood të mos kthehet – T'i jepet fund dhunës kundër grave”.

Një nga organizatorët shpjegoi arsyen e protestës për “The Athletic” duke thënë: “Është koha që klubi të ngrihet dhe të marrë vendimin e duhur”.