Shtëpia e çiftit nga Janjeva e Lipjanit që u arrestua për keqtrajtim të fëmijës 5-vjeçar, ishte renovuar vetëm 6 muaj më parë.

Samire Kastrati, një vullnetare nga Podujeva, pohon se bashkë me shumë donatorë ishin mobilizuar në maj te vitit të kaluar për ta ndihmuar familjen nëntë anëtarëshe, pasi ishin alarmuar nga gjendja e rëndë e tyre.

"Krejt shtëpia ka qenë e renovuar brenda siç e patë edhe ju edhe s'ka pasur dicka edhe jashtë ka qe e e renovuar në hyrje. Ka qenë shtëpia me te gjitha me kuzhinë e me të gjitha.

Por, kjo u alarmua sërish kur KosovaPress I publikoi pamjet aktuale të shtëpisë.

"E kemi percjellë këtë familje deri në shtator, në shtator ka përfunduar shtëpia edhe kur e pash në media te ju edhe në shumë media më preki si rast se ju i pate videot se si e kemi renovuar shtëpinë", thotë ajo.

Ajo po ashtu tregon se gjatë kohës sa e ka vizituar këtë familje nuk kishte vërejtur se prindërit e fëmijëve kane probleme mendore. Por, i kishte rënë në sy qe dy prej fëmijët qendronin tërë kohën të heshtur.

Nga maji deri në shtator, siç thotë Samirja, sa kanë zgjatur punimet për renovimin e shtëpisë, nëna e pesë-vjeçarit ka folur vazhdimisht për fëmijët.

Megjithatë, ajo kujton se fqinjët përreth iu kishin thënë se kjo familje po i shet të gjitha gjërat.

Por, a ka qenë e njoftuar Qendra për Pune Sociale për gjendjen në të cilin po jetonin por edhe demolimin qe i kishin bërë shtëpisë per kohë kaq të shkurtër?

Drejtoresha e QPS-së, Makfirete Shamolli nuk i është përgjigjur KosovaPress-it ne lidhur me atë se kur ka qenë hera e fundit qe punëtorët social kanë vizituar këtë familje. E Samirja, mohon të ketë dëgjuar për vizita të tilla. 

Ngjarja e pesë-vjeçarit e ka tronditur vendin këto ditë. Per shkak te keqtrajtimit nga prinderit, ai ëahtë duke u trajtuar në Kujdesin Intensiv Pediatrik.

Ndërkaq, dy prindërit me vendim të Prokurorisë Themelore në Prishtinë janë në paraburgim.

Gjashtë fëmijët tjerë të kësaj familje janë marrë nën përkujdesje nga Qendra për Punë Sociale te Lipjanit.

Ministri i Shëndetësisë Arben Vitia, sot ka folur për gjendjen shëndetësore të vogulushit nga Lipjani, për cka tha se gjendja eshtë stabile dhe se ai ka nisur të komunikojë.

/Kosovapress/