Sunny Hill Festival ka konfirmuar emra të rinj të artistëve që do të performojnë në edicionin e vitit 2026, i cili do të mbahet më 31 korrik, 1 dhe 2 gusht në Prishtinë.

Organizatorët kanë bërë të ditur se në mesin e artistëve të konfirmuar janë emra të njohur të skenës ndërkombëtare të muzikës elektronike, përfshirë Keinemusic (Adam Port dhe Rampa), Seth Troxler, Carlita dhe Manifest.

Ata kanë njoftuar se ky është vetëm fillimi i listës së artistëve, ndërsa në ditët në vijim do të publikohen emra të tjerë të njohur të muzikës botërore, si dhe artistë vendorë që do të jenë pjesë e programit artistik të edicionit të sivjetmë.