Mbrojtësi i Anglisë, John Stones, do të largohet nga Manchester City në fund të sezonit, duke i dhënë fund qëndrimit të tij 10-vjeçar në klub, i cili mbulon të gjithë rrugëtimin e mbushur me trofe të Pep Guardiolës.

31- vjeçari Stones ka ndihmuar City-n të fitojë 19 trofe, duke përfshirë gjashtë tituj të Premier Ligës dhe një të Ligës së Kampionëve, por karriera e tij është penguar nga problemet me lëndimet në sezonet e fundit dhe ai nuk është më zgjedhja e parë.

Stones dhe City konfirmuan largimin e tij të afërt të martën, ku kontrata e tij do të skadojë në fund të këtij sezoni dhe nuk do të rinovohet më.

“Ata thonë se të gjitha gjërat e mira duhet të marrin fund, por kjo gjë që kemi pasur ka qenë më e madhja dhe do të mbetet pjesë e imja përgjithmonë” – shkroi Stones në Instagram.

Ndërkohë Stones ka bërë 293 paraqitje, duke shënuar 19 gola dhe ndonjëherë ka luajtur në një rol të dyfishtë që e ka bërë të shtyjë përpara nga mbrojtja për t’u përdorur si një lojtar shtesë në mesfushë.

Klubi e përshkroi Stones si mishërimin e vërtetë të City-t të Pep Guardiolës, sepse ai është i armatosur me teknikë të mrekullueshme, një gamë të shkëlqyer pasimesh të kombinuar me një ritëm të shkëlqyer pune dhe lexim të mprehtë të lojës.

Stones është aktiv ende në skuadrën e Anglisë dhe nëse lëndimi e lejon, do të luajë në Kupën e Botës që do të zhvillohet në Shtetet e Bashkuara, Kanada dhe Meksikë.

City njoftoi së fundmi se kapiteni Bernardo Silva do të largohet gjithashtu në fund të sezonit pas nëntë vitesh me ekipin.

KosovaPress