Spanja mbyll pjesën e parë në epërsi 1-0 ndaj Francës në gjysmëfinalen e Kampionatit Botëror, falë golit të Mikel Oyarzabal nga penalltia në minutën e 22-të.

11-metërshi erdhi pas faullit të Lucas Digne, ndërsa Oyarzabal goditi saktë në këndin e djathtë duke mposhtur Maignan.

Pjesa e parë pati edhe dy kartonë të verdhë: Adrien Rabiot u ndëshkua në minutën e 9-të dhe Marc Cucurella në të 31-tën pas një ndërhyrjeje të ashpër.

Franca u detyrua të bëjë zëvendësim në minutën e 30-të, me William Saliba që la fushën i dëmtuar dhe u zëvendësua nga Maxence Lacroix.

Spanja ishte më e rrezikshme, me rastin e Fabian Ruiz në minutën e 38-të që u bllokua shkëlqyeshëm, ndërsa "La Roja" fitoi edhe një korne.

Franca shkon në pushim pa asnjë goditje në portë.

KosovaPress