Sot, me fillim nga ora 17:00, Kampusi Nacional i FFK-së në Hajvali do të jetë nikoqir i një përballjeje tejet interesante në kuadër të Kupës së Kosovës për konkurrencën e vajzave.

Ballafaqimi ndërmjet KFF Dukagjinit dhe KFV Prishtinës pritet të sjellë emocione dhe rivalitet sportiv, ku të dyja skuadrat kërkojnë kalimin tutje në këtë garë prestigjioze.

Organizatorët kanë njoftuar se për këtë ndeshje hyrja do të jetë falas, duke ftuar sa më shumë adhurues të futbollit që të jenë të pranishëm në shkallët e stadiumit.

Kjo iniciativë synon të rrisë mbështetjen për futbollin e femrave dhe të krijojë një atmosferë sa më festive në Hajvali.

Të gjithë sytë do të jenë te fusha e blertë këtë pasdite të mërkurë, ku vullneti dhe talenti i vajzave tona do të jenë në qendër të vëmendjes.

KosovaPress