Komunikime të reja të të akuzuarës për spiuazh, Jelena Gjukanoviq janë bërë publice të enjten në mbrëmje.

Nga këto komunikime të cilat u publikuan gjatë emisionit “Debat Plus”, është dëshmuar edhe njëherë aktiviteti i saj në bahskëpunim me BIA-n serbe.

Komunikimet në fjalë dëshmojnë sesi ish-zyrtarja e OSBE-së kishte vënë në shënjestër organizatat prestigjioze amerikane që operojnë në Kosovë, si National Democratic Institute (NDI) dhe National Endoëment for Democracy (NED), duke i paraqitur ato para BIA-s si "provokatore të trazirave", "Fshihen pas trazirave", transmeton KosovaPress.

Gjuha e Gjukanoviq kundër Uashingtonit

Në këto dëshmi të cilat u prezantuan mbrëmë në kuadër të “Debat Plus” Gjukanoviq e udhëzon agjentin e BIA-s, Aleksandar Vlajiq, mbi aktivitete derisa i fliste për hulumtime me rekomandime për Qeverinë e Kosovës dhe Listën Serbe.

Dëshmitë e reja të siguruara nga dosja e spiunazhit tregojnë se Jelena Gjukanoviq ka raportuar te agjenti i BIA-s, Aleksandar Vllajiq, edhe për eprorin e saj të drejtpërdrejtë, amerikanin Jeff Bieley, duke e etiketuar atë me gjuhë fyese dhe duke tentuar ta lidhë me Ushtrinë Çlirimtare të Kosovës (UÇK).