Në mbledhjen e sotme të Kuvendit Komunal të Prishtinës, me 27 vota për gjithashtu u anulua vendimi i datës 8 qershor për shkarkimin e aksionarëve të ndërmarrjeve publike në Prishtinë.
Këto vendime në Prishtinë u morën pasi braktisen seancënkryesuesi dhe asamblistët e Vetëvendosjes.
Fillimisht asamblistët e Vetëvendosjes me zhurmë nuk e lejuan kryetarin e Prishtinës, Përparim Rama të merr fjalën.
Kryetari Rama duke kërkuar qetësinë e këshilltarëve të Vetëvendosjes, pati një kërkesë tallëse me ta.
“S’po doni me dëgjua a? Mbani madje ndonjë ritëm më të mirë, qysh ja keni nisë ju me kërcye, luani Shotën a naj sen tjetër a… Unë po vazhdoj po bërtas”, theksoi Rama.
Megjithatë, para se të shkarkohej, kryesuesi Fehmi Kupina e shpalli të mbyllur seancën, duke thënë se nuk ka kushte për punë.
Por, kryetari i Prishtinës, Rama dhe asamblistët e partisë së tij vazhduan punën duke theksuar se ka kushte për punë.
Pasi braktisën seancën kryesuesi, Fehmi Kupina me asamblistët e Vetëvendosjes, seancën e udhëhoqi asamblisti më i vjetër Ajet Brajshori nga radhët e LDK-së.
Ndërkohë, u fut në rend dite propozimi Jeta Rafunës nga LDK-ja për shkarkimin e kryesuesit Fehmi Kupina.
27 këshilltarë komunal me vota të fshehta votuan për shkarkimin e Kupinës nga pozita e kryesuesit.
Asamblisti nga LDK-ja, Sami Salihu në emër të Komisionit për Mbarëvajtjen e procesit të votimit konstatoi shkarkimin e kryesuesit, Kupina.
Pas këtij vendimi, në mbledhjen e Kuvendit të Kryeqytetit, me 27 vota për është miratuar propozim vendimi për anulimin e vendimit të datës 08.06.2023 për shkarkimin e anëtarëve në Komisionet e aksionarëve të ndërmarrjeve publike të Komunës së Prishtinës.
Këtë votim e konstatoi asamblisti më i vjetër, Ajet Brajshori, i cili e udhëhoqi seancën.
Po ashtu me 27 vota për është marrë vendim për caktimin e anëtarëve të Komisionit të Aksionarëve të ndërmarrjeve publike të Prishtinës.
Lajmi i plotë në sistemin me parapagim.
Ndryshe, në mbledhjen e Kuvendit të Kryeqytetit më 8 qershor, Fehmi Kupina kishte dhënë dorëheqje nga LDK-ja në Prishtinë. /KosovaPress.
