Presidenti i ShBA-së dhe ai i Iranit kanë nënshkruar një marrëveshje fillestare paqeje që synon t’i japë fund luftës, duke e lejuar atë të hyjë në fuqi menjëherë.

Marrëveshja përfshin rihapjen e Ngushticës së Hormuzit, një plan prej 300 miliardë dollarësh (224 miliardë paund) për “rindërtimin” e Iranit dhe ndërprerjen e “të gjitha llojeve të sanksioneve” ndaj Iranit nga ShBA-të.

Por çështja e programit bërthamor të Iranit, arsyeja kryesore e deklaruar nga ShBA-të për konfliktin, ende duhet të negociohet gjatë një periudhe të zgjatshme 60-ditore, shkruan BBC, transmeton KosovaPress.

Presidenti i ShBA-së Donald Trump, i cili nënshkroi marrëveshjen në Francë gjatë samitit të G7, e mbrojti propozimin, duke thënë se do të shmangte një “katastrofë ekonomike”. Megjithatë, ai paralajmëroi se ShBA-të do ta “bombardonin ferrin” Iranin nëse nuk do të dilte një marrëveshje përfundimtare.

Presidenti iranian Masoud Pezeshkian gjithashtu nënshkroi dokumentin të mërkurën, konfirmoi Teherani.

Kryetari i parlamentit të Iranit dhe negociatori kryesor Mohammad Bagher Ghalibaf u tha mediave shtetërore se mosbesimi i tij ndaj ShBA-së mbeti dhe se “gishti i Iranit është në këmbëz”.

Ndërkaq, duke mbërritur në Paris përpara një darke shtetërore me Presidentin Francez Emmanuel Macron në Versajë, Trump tha se periudha e caktuar prej 60 ditësh për negociata nuk ishte një afat i vështirë për Iranin.