Rreth 350 kilogramë marihuanë janë sekuestruar në pikën e kalimit kufitar Kakavijë ngjatë një operacioni të përbashkët mes Policisë së  Shqipërisë dhe Frontex.

Sipas autoriteteve, gjatë kontrollit me skaner të një kamioni u ngritën dyshime për kontrabandë. Pas kontrollit të detajuar u zbuluan 166 pako me rreth 350 kg marihuanë të dyshuar.

Lënda narkotike është sekuestruar, ndërsa kamioni dhe rimorkioja janë konfiskuar. Shoferi i mjetit është ndaluar dhe i është dorëzuar policisë për procedura të mëtejshme.

“ Siguria mbetet një prioritet në Pikën e Kalimit Kufitar Kakavijë. Në një operacion të fundit të përbashkët, autoritetet shqiptare dhe oficerët e Frontex ndaluan një ngarkesë të madhe droge”, thuhet në njoftim nga Policia e Shtetit.

Autoritetet thanë se ky operacion dëshmon rëndësinë e bashkëpunimit mes institucioneve shqiptare dhe partnerëve evropianë në luftën kundër krimit ndërkufitar.

/Kosovapress/