Sekretari i Shtetit, Marco Rubio tha se nuk kishte përfshirje ose ndihmë të Shteteve të Bashkuara në sulmet e Izraelit ndaj Iranit.

“Sonte, Izraeli ndërmori veprime të njëanshme kundër Iranit. Ne nuk jemi të përfshirë në sulme kundër Iranit dhe prioriteti ynë kryesor është mbrojtja e forcave amerikane në rajon”, tha Rubio, sipas deklaratës zyrtare të Shtëpisë së Bardhë në X.

Izraeli ka nisur sulme të papara ndaj Iranit, duke synuar programin e tij bërthamor dhe udhëheqësit e lartë ushtarakë në një sulm që kryeministri Benjamin Netanyahu tha se do të zgjasë.

Udhëheqësi suprem i Iranit paralajmëroi se Izraeli do të përballet me "ndëshkim të rëndë".

“Izraeli na njoftoi se ata besojnë se ky veprim ishte i nevojshëm për vetëmbrojtjen e tij. Presidenti Trump dhe Administrata kanë ndërmarrë të gjitha hapat e nevojshëm për të mbrojtur forcat tona dhe mbeten në kontakt të ngushtë me partnerët tanë rajonalë. Më lejoni të jem i qartë: Irani nuk duhet të synojë interesat ose personelin e SHBA-së”, tha tutje Rubio.

Statement from Secretary of State Marco Rubio

“Tonight, Israel took unilateral action against Iran. We are not involved in strikes against Iran and our top priority is protecting American forces in the region. Israel advised us that they believe this action was necessary for its… pic.twitter.com/5FFesh3dkF

— The White House (@WhiteHouse) June 13, 2025

Gjenerali Hossein Salami - komandanti i përgjithshëm i Gardës Revolucionare Islamike të Iranit, u vra në sulm. Ai ishte ndër figurat më të fuqishme të vendit.

Sulmi vrau gjithashtu gjeneralmajor Mohammad Bagheri - oficerin më të lartë ushtarak të Iranit.

Kryeministri izraelit, Benjamin Netanyahu tha se "Operacioni Rising Lion" “[Luani që ngrihet]” goditi impiantin kryesor të pasurimit të Iranit në Natanz, shkencëtarët bërthamorë dhe atë që ai e quajti "zemra e programit të raketave balistike të Iranit".

https://kosovapress.com/izraeli-sulmon-centralet-berthamore-dhe-udheheqjen-ushtarake-te-iranit