Izraeli ka nisur sulme të papara ndaj Iranit, duke synuar programin e tij bërthamor dhe udhëheqësit e lartë ushtarakë në një sulm që kryeministri Benjamin Netanyahu tha se do të zgjasë.

Udhëheqësi suprem i Iranit tha se Izraeli do të përballet me "ndëshkim të rëndë".

Sulmi e zhyt Lindjen e Mesme në pasiguri të re, duke rritur rrezikun e një lufte rajonale, raporton CNN.

Gjenerali Hossein Salami - komandanti i përgjithshëm i Gardës Revolucionare Islamike të Iranit, u vra në sulm. Ai ishte ndër figurat më të fuqishme të vendit.

Sulmi vrau gjithashtu gjeneralmajor Mohammad Bagheri - oficerin më të lartë ushtarak të Iranit.

Kryeministri izraelit, Benjamin Netanyahu tha se "Operacioni Rising Lion" “[Luani që ngrihet] goditi impiantin kryesor të pasurimit të Iranit në Natanz, shkencëtarët bërthamorë dhe atë që ai e quajti "zemra e programit të raketave balistike të Iranit".

Sekretari i Shtetit, Marco Rubio tha se nuk kishte përfshirje ose ndihmë të Shteteve të Bashkuara në sulme.

https://kosovapress.com/rubio-shba-ja-nuk-eshte-e-perfshire-ne-sulmet-kunder-iranit