Rritet prodhimi i bruto i energjisë nga hidrocentralet, bie ai i thëngjillit
Biznes
Lexohet për: 1 min.
Dëgjoje me zë...
Rritet prodhimi i bruto i energjisë nga hidrocentralet, bie ai i thëngjillit
Foto Ilustruese
15/07/2026 - 15:20
Linku u kopjua
Në Kosovë, rritet prodhimi bruto nga hidrocentralet në maj të këtij viti, krahasuar me muajin maj 2025.
Sipas Agjencisë së Statistikave të Kosovës, në muajin maj 2026, prodhimi bruto i energjisë elektrike nga hidrocentralet ishte 49.22 GWh, ku krahasuar me maj 2025, u rrit për 51.38 për qind, përcjell KosovaPress.
“Energjia elektrike bruto në dispozicion ishte 484.02 GWh ose (-0.41 %) me e vogël krahasuar me muajin e njëjtë të vitit paraprak, kurse konsumi i energjisë elektrike ishte 398.66 GËh ose 8.88 % më i madh krahasuar me muajin e njëjtë të vitit paraprak”, thuhet në njoftim.
ASK bën të ditur gjithashtu se pjesëmarrja e energjisë elektrike alternative në kuadër të konsumit të përgjithshëm ishte 22.20 %. Importi i energjisë elektrike në maj të vitit 2026 ishte 422.31 GWh, kurse eksporti i energjisë elektrike në të njëjtën periudhë ishte 205.27 GWh (këtu është e përfshirë edhe sasia e transmisionit).
Ndërkohë, prodhimi i thëngjillit për muajin maj 2026 ishte rreth 301,303 mijë ton, që paraqet një rënie prej (-37.25 %), krahasuar me muajin e njëjtë të vitit të kaluar.
/Kosovapress/
