Roma pret Juventusin në një përballje të fortë në garën për katër vendet e para në Serie A, sot në mbrëmje, ku pritet se Paulo Dybala dhe Gleison Bremer do të rikthehen në aksion.

Roma është e pamposhtur në tetë ndeshjet e tyre të fundit në të gjitha garat dhe tetë ndeshjet e tyre të fundit në ligë, kurse për Juventusin kanë qenë disa javë më të vështira, i cili nuk ka fituar asnjë nga tre ndeshjet e fundit në Serie A.

Paulo Dybala është stërvitur me shokët e tij të ekipit përpara fillimit të ndeshjes, por mbetet e pamundur të fillojë për Romën. Matias Soule nuk do të marrë pjesë për shkak të një problemi të vazhdueshëm por Donyell Malen, lojtari në formë të mirë, pritet ende të udhëheqë sulmin e Giallorossi-t.

Mario Hermoso është gjithashtu i dëmtuar në mbrojtje, që do të thotë se Daniele Ghilardi pritet të mbajë vendin e tij në treshen e mbrojtjes së bashku me Gianluca Mancini dhe Evan Ndicka.

Roma ndodhet në vendin e katërt të tabelës me 50 pikë, kurse Juventusi në vendin e gjashtë me 46 pikë.

Formacionet e mundshme:

Roma (3-4-2-1): Svilar; Ghilardi, Mancini, Ndicka; Celik, Kone, Cristante, Ëesley; Pisilli, Pellegrini; Malen.

Juventus (4-2-3-1): Perin; Kalulu, Bremer, Kelly, Cambiaso; Thuram, Koopmeiners; Conceicao, McKennie, Yildiz; David.

KosovaPress