Mesfushori i Manchester City-t, Rodri, po bën presion për t'u kthyer në Spanjë dhe po pret vetëm dritën jeshile nga Florentino Perez.

Sipas Daily Mail, City i ka ofruar kontratë të re që në prill, por 30-vjeçari që ka edhe një vit kontratë nuk e ka pranuar. Spanjolli dëshiron rikthimin në Madrid, sidomos pas triumfit me Spanjën në Kupën e Botës.

Perez në fillim hezitonte, por brenda klubit ka gjithnjë e më shumë mbështetje për transferimin.

Edhe Jose Mourinho, i sjellë për të hequr përçarjet në dhomën e zhveshjes, ka kërkuar lojtarë me përvojë.

City ndërkohë po përgatitet. Ka firmosur me Elliot Anderson dhe po punon për talentin e Lille, Ayyoub Bouaddi.

Efekti domino në Madrid:

Nëse vjen Rodri, dikush duhet të largohet. Aurelien Tchouameni ka pranuar vazhdimin e kontratës dhe dëshiron të qëndrojë, por mund të ketë minuta të limituara.

Edhe Eduardo Camavinga mund të largohet.

Manchester United ka kohë që e pëlqen Tchouameni-n, por nuk ka bërë pyetje të reja muajt e fundit. Francezi 26-vjeçar konsiderohet shumë i shtrenjtë për strukturën aktuale të pagave.

Camavinga, vetëm 23 vjeç, është në listën e City-t, Chelsea-t dhe Arsenal-it dhe shihet si mundësi më e mirë në treg.

Për të mbledhur fonde për Rodrin dhe një tjetër goditje të madhe, Reali pritet të shesë Gonzalo Garcia-n, i kërkuar nga Fulham, ndërsa Franco Mastantuono do të huazohet dhe Raul Asencio do të largohet përfundimisht.

KosovaPress