Arbitri i njohur anglez, Anthony Taylor, është caktuar nga FIFA për të drejtuar sfidën vendimtare të "play-off"-it për Botërorin 2026 ndërmjet Polonisë dhe Shqipërisë, që do të luhet këtë të enjte në Varshavë.

Për kombëtaren e Shqipërisë, kjo është një nga ndeshjet më të rëndësishme të viteve të fundit, ku fati i kualifikimit varet drejtpërdrejt nga rezultati në tokën polake. Taylor, i cili gëzon një përvojë të jashtëzakonshme në kampionatin anglez dhe në garat evropiane, pritet të menaxhojë me profesionalizëm tensionin e lartë të kësaj përballjeje.

Emri i Taylorit nuk është i panjohur për tifozët shqiptarë, pasi ai ishte i pranishëm në "Air Albania" për të gjykuar finalen e titullit kampion mes Egnatias dhe Partizanit. Bashkë me ndihmësit e tij anglezë, Gary Beswick dhe Adam Nunn, si dhe ekipin e VAR-it, Taylor do të jetë gjykues i rregullave në një natë ku e gjithë vëmendja e shqiptarëve do të jetë te djemtë e Silvinhos.

Shpresojmë që përvoja e tij në majat e futbollit botëror të sjellë një gjykim të drejtë.

KosovaPress