Pas përleshjes së tyre në fushën e stërvitjes të enjten, Federico Valverde dhe Aurelien Tchouameni janë dënuar me një gjobë të konsiderueshme nga Real Madridi.

Të dy lojtarët u përfshinë në një përleshje fizike të enjten në Valdebebas, e cila përfundoi me dërgimin e Valverde në spital për një prerje në fytyrë, si dhe një dëmtim në kokë.

Real Madridi konfirmoi vonë natën se ishin hapur procedura disiplinore kundër dyshes së mesfushës, dhe tani hetimi ka arritur në një përfundim me dy të dënuarit me një gjobë.

“Duke pasur parasysh këto rrethana, Real Madridi ka vendosur të vendosë një gjobë financiare prej pesëqind mijë eurosh për secilin lojtar, duke përfunduar kështu procedurat përkatëse të brendshme” – bëhet e ditur në deklaratën zyrtare.

Ndërkohë klubi konfirmon se si Valverde ashtu edhe Tchouameni i kërkuan falje njëri-tjetrit, si dhe shokëve të tyre të ekipit, stafit dhe klubit.

“Ata gjithashtu i kanë kërkuar falje klubit, shokëve të ekipit, stafit të trajnerëve dhe tifozëve, dhe të dy i janë vënë në dispozicion Real Madridit për të pranuar çdo sanksion që klubi e konsideron të përshtatshëm” – bëhet e ditur më tutje në deklaratë.

Megjithatë, asnjëri lojtar nuk është pezulluar për asnjë kohëzgjatje. Kjo do të thotë që Tchouameni do të jetë i disponueshëm për El Clasicon e së dielës kundër Barcelonës, megjithëse Valverde do të humbasë ndeshjen për shkak të dëmtimit në kokë, për të cilin i është këshilluar 10-14 ditë pushim.

Real Madridi ndeshjen e ardhshme e luan kundër Barcelonës, në kuadër të El Classico më 10 maj, nga ora 21:00.

KosovaPress