Raketat amerikane “Javelin”, Haradinaj kritikon Qeverinë për vonesë të blerjes
Lajme
Lexohet për: 2 min.
Kryetari i AAK-së Ramush Haradinaj ka reaguar pas kërkesës së Kosovës drejtuar Shteteve të Bashkuara për të blerë raketa antitank “Javelin”.
Ai në një postim në Facebook ka shkruar se një gjë e tillë do të ishte sukses sikur të mos ishte e vonuar.
“Po lexoj se Kosova paska bërë kërkesë Shteteve të Bashkuara për të blerë raketa antitank Javelin. Lajmi do të konsiderohej sukses sikur të mos ishte i vonuar me vite. Për informimin e opinionit publik, qysh në vitin 2018, në planin 10-vjeçar të zhvillimit të Ushtrisë së Kosovës, kanë qenë të dakorduara blerjet e sistemeve antitank, përfshirë edhe raketat “Javelin” dhe jo vetëm!”, ka shkruar Haradinaj.
Ai ka thënë se Qeveria Kurti nuk mund të lavdërohet për kërkesën mbi blerjen e “Javelin”, por duhet të jep llogari për vonesa dhe mos përmbushje të objektivave me planin për furnizimin e Ushtrisë së Kosovës me armatim, pavarësisht se i kanë tepruar dhjetëra milionë të paraparë për blerje të armatimit dhe mjeteve tjera.
SHBA ka pranuar kërkesën e Kosovës për blerjen e raketave antitank "Javelin" • KosovaPress