Pse Tiago Djalo do t’i bashkohet Juventusit më vonë se sa pritej?
Tiago Djalo pritej që t’i nënshtrohej testeve mjekësore në Torino te Juventusi këtë javë, por ai do të mbërrijë në Itali pas disa ditësh, pasi që “Zonja e Vjetër” duhet fillimisht ta finalizojë shitjen e Filippo Rannochias te Palermo.
Juventusi ka arritur një marrëveshje me Djalon dhe klubin e tij Lille për një transferim që kap shifrën e 3.5 milionë eurove plus bonuset, raporton KosovaPress.
Kontrata e mbrojtësit portugez skadon në qershor të vitit 2024, kështu që Juventusi arriti marrëveshje me Lille për një shumë më të ulët transferimi.
Djalo, një ish-mbrojtës i Milanit, duhej të arrinte në Itali këtë javë, por sipas “Gazzetta”, Juventusi ende është duke e finalizuar shitjen e Rannochias te Palermo, kështu që portugezi duhet të pres edhe disa ditë.
Djalo pritet të arrijë në Torino gjatë fundit të kësaj jave ose në fillimin e javës së ardhshme, pasi që Juventusi po shpreson ta finalizojë transferimin e Rannochias mes ditës së premte dhe fillimit të javës së ardhshme.
