Kandidati për deputet i Partisë Demokratike të Kosovës (PDK), Elmi Reçica, ka zhvilluar një takim me elitën intelektuale, atdhetare dhe veprimtare të Prizrenit, veteranë të luftës, si dhe themelues e drejtues të PDK-së.

Reçica bëri të ditur se takimi u karakterizua nga përgjegjësia, vizioni dhe përkushtimi për të ardhmen e Kosovës.

Ai vlerësoi lart kontributin dhe sakrificën e pjesëmarrësve, duke theksuar se përvoja dhe besimi i tyre përbëjnë një forcë të rëndësishme në rrugën drejt zhvillimit të vendit.

“Përvoja, sakrifica dhe besimi i tyre janë forca që na udhëheqin drejt një Kosove më të zhvilluar, me institucione më të forta dhe më shumë mundësi për çdo qytetar”, ka shkruar Reçica.

Sipas tij, angazhimi i përbashkët mbetet thelbësor për avancimin e proceseve dhe ndërtimin e një perspektive më të mirë për qytetarët e Kosovës.

/Kosovapress/