Prishtina qendër e ORL-së ballkanike, rreth 400 mjekë në kongresin ndërkombëtar
Shëndetësi
Lexohet për: 2 min.
Dëgjoje me zë...
Prishtina qendër e ORL-së ballkanike, rreth 400 mjekë në kongresin ndërkombëtar
Rreth 400 mjekë nga fusha e otorinolaringologjisë po marrin pjesë në Kongresin e 14-të Ballkanik i Otorinolaringologjisë dhe Kirurgjisë së Kokës dhe Qafës (ORL dhe KKQ), i cili po mbahet në Prishtinë.
Kryetari i Shoqatës së Otorinolaringologëve dhe Kirurgëve të Kokës dhe Qafës e Kosovës, Dukagjin Spanca tha se kongresi ka mbledhur specialistë nga vendet e Ballkanit, Evropa dhe më gjerë, duke përfshirë edhe pjesëmarrës nga Azia.
“Është një tubim i madh që mbledh të gjithë specialistët e otorolaringologjisë nga gjitha vendet ballkanike dhe më gjerë. Deri tani kemi rreth 90 pjesëmarrës folës me prezantime nga 19 vende të ndryshme ballkanike, evropiane e kemi edhe nga vendet të largëta deri nga Azia. Kualiteti i ligjëratave është mjaftë i lartë kemi top prezantues nga vende evropiane ndër më të njohurit nga lëmit e tyre”, tha ai.
Sipas tij, ky kongres do të ndikojë në ngritjen e kapaciteteve profesionale dhe në shkëmbimin e përvojave ndërmjet specialistëve.
“Kjo mendoj se do të ndikoj në ngritjen e kapaciteteve dhe mundësisë së shkëmbimit të përvojave me kolegët tanë më të rinjë specialistë”, tha ai.
Specialisti i ORL-së, Dukagjin Spanca deklaroi se numri i pjesëmarrësve pritet të arrijë në rreth 400 gjatë tri ditëve të kongresit
“Kemi mbi 300 të regjistruar mbesin në 400 total për të gjithë pjesëmarrësit në tre ditët me radhë…kongrese të tilla janë të mirëpritura sidomos nga kolegët e tanë të rinjë që i kemi të në numër kohëve të fundit për arsye se kanë mundësinë t’i dëgjojnë ligjeratat nga patologji të ndryshme në sferën e ORL dhe kanë mundësinë te shkëmbejnë përvojë nga kolegët tanë në vende te ndryshme evropiane, por kanë mundësi të bisedojnë për ndonjë trajnim të mundshëm”, tha ai.
Kongresi i 14-të Ballkanik i Otorinolaringologjisë dhe Kirurgjisë së Kokës dhe Qafës (ORL dhe KKQ), po mbahet në Prishtinë nga 11 deri më 13 qershor.
Kongresi organizohet nga Shoqata e Otorinolaringologëve dhe Kirurgëve të Kokës dhe Qafës e Kosovës në bashkëpunim me partnerë vendorë dhe ndërkombëtarë.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
